Mynta ka sngi ka HSPDP ka la phah jingthoh sha ka Expert Committee on Reservation Policy da kaba ai jingmut ban pynduh noh ia ka bhah thungkam ka ba rim kata ka 40 la 40 percent ia ki Khasi-Jaintia bad Garo bad ban ai noh 80 percent kyllum lang.
Ka HSPDC kala ai jingmut ba ha ka jaka jong katei ka bhah thungkam kaba rim la dei ban pynthymmai noh da kaba mang 80 percent ia baroh kaba kynthup ia ki Khasi-Jaintia bad kumjuh ia ki paid Garo ba kin iakhun kyllum beit bad kan shong ha ka jingstad bad ka jinglah jong ki.
Na ka liang jong u General Secretary ka party u bah Panbor Ryntathiang u la ong ba ka seng ka la ai jingmut ia ka Committee ba ia ki kam kiba hap sha ki District, dei ban mang 90 percent ia ki trai shnong Khasi-Jaintia ha ki District kiba don ha rilum Khasi bad Jaintia bad 90 percent ha ki District kiba hap ha rilum Garo, namar kane kan pynioh jingmyntoi ia ki trai thaiñ trai jaka.
U bah Ryntathiang ula ong ba lada lah ban pyntreikam ia kane ka bhah thungkam ba thymmai kan long shisha kaba khuid bad kan iarap shibun ban ioh ia ki nongtrei kiba tbit bad shemphang ha ki kam ba kin trei.