[Kane ka dur kaba pyni ia ka jingshlei um ha ka shnong Psadwar mynshem snem]
Ka tnad treikam jong ka sorkar jylla lyngba ka Meghalaya State Disaster Management Authority (MSDMA) kala pyntip ba kum shi bynta ban iada ialade na ki jinglynshop ki bor mariang kum ka jingshlei um bad kiwei, kala bthah bad ai jingmut ia ki paidbah nongshong shnong jong ka jylla ba ki dei ban download ia ki Apps ba la pynkhreh da ka tnat India Meteorological Department (IMD) na ka Ministry of Earth Science, Govt. of India.
Kine ki Apps kin iarap ban pynioh jingtip ia ki paidbah halor ka jinglong jingman jong ka suiñbneng bad ki bor mariang, ha shwa ban jia ka jinglynshop.
Ki Apps ki kynthup ia ka MAUSAM APP, ka DAMINI APP, ka MEGHDOOT AGRO APP. Ia kine ki Apps lah ban download na ka Google Play Store kumjuh na ka web link da kaba thoh alerts/warnings.