Ka District Legal Services Authority (DLSA), West Jaintia Hills, ryngkat ka jingïatrei lang bad ka Office u Superintendent of Police, kala pynlong ïa ka Sensitization Programme halor ki Court Procedures na ka bynta ki dkhot Village Defence Party (VDP) ha ka 29.08.25 ha Conference Hall u SP, Jowai.
Ka thong jong kane ka programme ka long ban ai jinghikai bad pynshai ïa ki VDP halor ka rukom treikam ha ka aiñ bad kumno ki lah ban ïarap ïa ki bor pahara ban pynneh ïa ka shongsuk shongsaiñ. Ia ka programme ha katei ka sngi la pyniaid da Kong S.M. Saioo, Assistant Legal Aid Defense Counsel.
Haba ai jingkren ha kane ka sngi na ka liang u D. Langbang, Additional Public Prosecutor, uba la batai halor ka bynta jong ki VDP bad ki court procedures ba kongsan.
U R. Pde, Community Liaison Officer (COVDO), u la kdew ïa ka jingdonkam jong ki VDP ban ïatreilang bad ki Pulit bad ban ïada ïa ka shnong ka thaw.
U Inspector S. Manner, Reserve Inspector, Jowai Police Reserve, u la pynshai shaphang ka rukom register FIR bad charge sheet ha ki mukotduma.
La ioh ia ka jingkren aikhublei da Kong B. Sayoo, Advocate, Jaintia Hills Bar Association.
Kane ka jingïalang ka dei ka bynta jong ka jingpyrshang ka DLSA ban pynlong ïa ka imlang sahlang kaba tip ïa ki aiñ bad ban kyntiew ïa ka jingïatreilang hapdeng ki paidbah bad ki bor synshar.
