Ka Khasi Student Union West Jaintia Hills District Unit ka ai khublei bad kitbok kitrwiang Behdeiñkhlam ba suk ba kmen ia ki khun ka Seiñraij Jowai kiba shong ba sah kylleng ka bri u Hynniewtrep Hynniew skum.
“To ai ba kane ka jingleh Niam ia ka Behdeiñkhlam ki khun ki hajar ka Seiñraij Jowai kan long kaba phuh ba phieng bad kaba jop khnang ba kin ioh ia ka jingkoit jing khiah bad ban bha ka kamai ka kajih bad ka pule ka puthi bad lyngba kane ka jingleh niam kaba shisien shi snem kumba ju leh ki long shuwa ki manshuwa”.
ka KSU ka kyrpad ia baroh ki khun ka Seiñraij Jowai ba kin long kiba im Tip Briew Im Tip Blei khnang ba kane ka jingpyndep ia ka jingleh Niam Behdieñkhlam hapoh kine ki soo-sngi le-iaw kan long kaba jop bad phuh bad phieng.
Kane ka long katkum ka kyrwoh na u samla Juhhi Tariang, Publicity Secretary ka KSU West Jaintia Hills District Unit.