Ha ka 24/01/2022 ka HITO Sphai Area ka la leit ban jurip biang ia ka Iooksi PHC, hadien ba ka la dep ban jurip shisien ha ka 10 tarik ha kaba ka seng ka lap shibun ki jingduna hapoh kane ka PHC, ia ka bor ding Electricity, Waitingshed, Reception, conference room, nalor ka jingduna jong ki staff.
Na ka liang ka seng kala dawa na ka sorkar ba kan phah Doctor bad Supervisor-PHN ha kane ka PHC namar la lap mynta ba u Doctor incharge hapoh ka ne jaka sumar ba u shim shuti. Kane ka la pynjynjar shibun ia ki paitbah kane ka thaiñ haba kim ioh ia kynduh Doctor haba ki wan sha kane ka PHC. Kumta kala dei ia ka sorkar ban buh noh ar ngut ki Doctor khnang ba kin lah ban ai ka jingshakri kaba bha iaki paitbah kane ka thaiñ.
Ha u snem ba la dep ka seng hapoh ka jingialam u President ki la ioh ban kynduh bad u Doctor incharge bad u la iathuh baka sorkar hi haduh mynta kam pat wan plie ne khap ribon ia ka Iooksi PHC. Kumta ka seng ka dawa na u myntri ka koit ka khiah ka sorkar jylla ba un sngewbha ban wan plie noh ia kane ka PHC jong ngi khnang ba kan ioh ban shakri kham bha ia ki nongshong shnong ka thaiñ.
Kumban shu pynkynmaw ba ka seng ka khlem shong thait ban pynkynmaw ia ka sorkar badh ha ka 13/12/2021 ka leit buh dorkhas ha u Director ka Health Department (MI) uba la kular ia ka seng ba yn ai ka wei ka Ambulance bad leh wiring ia ka light bad ka um hapoh kane ka jaka ai jingsumar. Kane ka jingdawa la sakhi mynta ka sngi ba kala urlong shisha bad na ka liang ka seng ka ai khublei kyrpang ruh ia utei u Director Dr. A. Warr.
