Ka Khasi Student Union Namdong Area Unit ka ai khublei sngewnguh ia u MLA ka thaiñ u ma Sniawbhalang Dhar u ba dei ruh u Myntri ka sorkar jylla.
Dei tad ha ka 21 tarik mynta u bnai ba da ka shimkhia jong u ma Sniawbhalang Dhar kum u MLA ka thaiñ la lah ban pynurlong ka ka jingdawa bad ki jing angnud u paidbah ka thaiñ ha baroh shi katta ha ka ban pynkiew kyrdan noh ia ka jaka ai jing sumar naka Primary Health Center (PHC) sha ka Community Health Center(CHC), ban pynbha ia u surok JNKK uba la sniew shaba palat bad khamtam ia ka jing pynkha iaka C&RD Block ha Shnong Namdong ia kaba ki dei ki mat jingdawa jong ka seng ha ki snem kiba la leit noh ha ryngkat bad kiwei pat ki kynnhun naduh ka kynhun ki Waheh Shnong ka Thaiñ Namdong bad u paidbah ba bun ba lang.
Ka KSU ka la pynpaw ruh ia ka jingai khublei ia u MLA ha kaba u la pynioh iaka Ambulance kit nongpang sha ka Seng lyngba ka scheme SRWP 2022-2023 ha ka ban lah ban iarap ia ki paidbah ka thaiñ.
Ka Seng ka khmih lynti ba kum nu Nongmihkhmat ka thaiñ bad ka Jylla hi baroh kawei ba un pyntreikloi ia baroh ki skhim ba la dep mang hapoh ka thaiñ bad khmih lynti ruh ba un dang lah ban wanrah shuh shuh ki jingmyntoi ia ka imlang ka sahlang bad kumjuh ruh ban wanrah ia ki Aiñ kiba lah ban iada iaka Ri bad ka Jaitbynriew hi baroh kawei.
Kane ka long katkum ka kyrwoh khubor ba la pyllait da u Juhhi Tariang, General Secretary KSU Namdong Area Unit.