Ka Khasi Student’s Union (KSU) Namdong Area Unit lyngba ka Education Cell ka shim ïa kane ka kabu lyngba kane ka kyrwoh ban ai khublei ïa baroh ki samla pule ka thaiñ kiba la leh bha ha ka exam SSLC jong u snem 2025.
Kum ka seng ka dang ïai khmih lynti ba ki samla kin dangïai ïaleh shitom ha ka jingpule ba kham shalor khnang ban ïoh tam ïa kiwei pat ki jaidbynriew ha ka liang ka jingnang jingstad.
Ka seng ka ong kane ka jingjop ki samla ha kano kano ka kam bad ha ki jingtrei ne ha ka jingpule puthi kadei ka jingkyrkhu bad jingmyntoi ïa ka thaiñ bad ïa ka ri Khasi hi baroh kawei.
“Kam don jingjop khlem jingrem ha ka juh ka por ïa kito ki bym lah ban leh bha ha kane ka kynti bad kim dei ban duh jingkyrmen hynrei kin trei shitom ha ki snem ban wan khnang ba kin ïoh ïa u soh ka jingjop”pynkut ka seng ha ka kyrwoh khubor bala phah.