Mynta ka sngi u Dr Vijay Kumar D, uba dei u Commissioner and Secretary, Sports and Youth Affairs bad u CEO ka North East Olympic Games, 2022 ula ai khublei kyrpang ia baroh kiba la iadon bynta ha ka ha ka 2nd North East Olympic Games 2022 kaba dang shu dep pynkut shen ha nongbah Shillong jong ka Meghalaya.
Ha kaba iadei bad kane la pynlong ia ka prokram kyrpang ha Auditorium jong ka State Convention Centre, Shillong.
Na ka liang jong u Dr. Vijay Kumar D, ula ong ba ka long kaba donkam bha ban pynlong ia kane ka jingiakynduh ban ioh ia ai khublei ia kito kiba la iadon bynta ha ki kam kiba pher bapher lyngba ki committee bapher bapher ban pynlong ia kane ka NEOG kaba jop. Ula ong ruh ba lyngba kane ka jingiakynduh lang ki Committee bapher bapher kilah ba pynpaw ia ki jingtreikam jong ki bad ruh ba kin sa lah ban lum jingtip shuh shuh lyngba ki kam kiba kila dep ban leh. Ula iaroh ia ka jingiatreilang jong baroh kito kiba don bynta lang ban pynlong ia kane ka jingialehkai kaba jop. Ula ong ruh ba na ka liang jong ki bor pyniaid District ka East Khasi Hills lyngba ka Deputy Commissioner kin sa pynmih ia ka kot ka ban buh jingthoh shaphang jait jingialehkai bapher bapher kiba la pynlong lyngba kane ka NEOG.
Ha kane ka jingiakynduhlang baroh kiba ba la iadon bynta bad kane ka NEOG kila pyni pynkdew ia baroh ki jingshem jinglap jong ki.
Kiwei de ki riewkhmat kiba la ai jingkren ha kane ka jingialang ki kynthup ia u bah CVD Diengdoh, Additional CEO, NEOG, kong I. Laloo, DC, East Khasi Hills, bah S Nongtynger, SP, East Khasi Hills, u S, Awasthi, Director Sports & Youth Affairs nalor kiwei de.