Shi sngi shwa ban poi ka sngi burom jong ki Nonghikai (Teachers’ Day) hapoh ka ri India kaba dei ruh ka sngi kha jong u Dr. Sarvepalli Radhakrishnan uba dei u nonghikai ba tbit bad u riewshemphang u ba long ruh u President barim ka ri India, mynta ka sngi na ka liang jong u President jong ka ri India u Ram Nath Kovind ula ai ka jingkhublei kyrpang ia baroh ki Nonghikai jong ka ri India ha ka jingburom ia ka sngi jong ki lashai ka 5 tarik u Nailur.
U President ka ri ula ai khublei kyrpang ia ki Nonghikai kiba la shim khia iala ka kamram kaba khraw wat hapdeng jinglynshop jong ka jingialeh na kane ka khlam Covid-19 pynban kila pynlong ia ka pule puthi kaba iaid beit iaid ryntih lyngba ki jingai jinghikai online, ban lait na ka jingdkoh jong ka jingpule jong ki khynnah skul.