U MLA jong ka Mawryngkneng u bah Pyniaid Sing Syiem ula ai khublei kyrpang ia u samla Lamdame Shangpliang halor ki kam iarap bad synniang jong u sha ki briew kiba duk ba kyrduh, ki khunswet bad ruh sha kito kiba don ka jingduna ha ki dkhot met.
Ha kane ka 25 tarik mynta u bnai na ka liang u bah Pyniaid Sing ula pynpaw ka jingkmen ban tip ba u Lamdame Shangpliang u dei u samla uba la ju ai jingiarap sha kiba bun ki khunswet bad khamtam sha ki briew kiba don jingduna dkhotmet ha ki bynta bapher jong ka ri Khasi Jaintia, katba shong ka bor ba rit jong u. U Lamdame u dei u khynnah khunswet bad uba la hap ban pep skul noh shiteng por na ka daw ka jingban jong ka jingduk.
Kumta na ka liang jong u bah Pyniaid ula kitbok kitrwiang ia une u samla ba un nang lah shuh shuh ban bteng ia kane ka kam leh isynei jong u ha ki sngi ki por ban dang wan.
