Ka Synjuk ki Nonghikai Meghalaya Upper Primary School Teachers Association (MUPSTA) Central Body ka la pynlong ia ka jingiakhih da ka ba shong kyllain myngngor ha Kynton-U- Mon Lad Nongkrem playground mynta ka sngi (17.12.2021) kaba la sdang naduh ka por 11.AM haduh 2.30 PM.
Ha ka ne ka jingiakhih la wan ia shim bynta da kumba 2 hajar ngut ki Nonghikai Upper Primary Skul ki ba hap ha ka lama jong ka MUPSTA na kylleng saw dong ka jylla Meghalaya. Ki jingiakhih ki long ki ba jai jai khlem don kano kano ka ka jinghuri hura. Ha kane ka jingiakhih shongkyllain myngngor ki Nonghikai da ka wei ka sur ki la shim ia ka rai ban ai por ia ka sorkar ban kyntiew deficit noh ia baroh ki 844 tylli ki Adhoc Upper Primary School ki ba don ha ka jylla Meghalaya baroh kawei haduh ka 10 tarik u January 2022.
Ka Seng ka la kren shai ba lada ka sorkar kam pynkhat lem ban pynurlong noh ia ki jingdawa jong ka seng haduh shuwa ka tei ka tarik, ka seng kan sa shim pat ia ka rai ban bteng biang ia ka jingiakhih kaba kham tyngeh ong ka khubor na u E.G War Organising Cum Publicity Secretary MUPSTA Central Body.