Ka Seng FKJGP-Khliehriat Circle hapoh ka jingialam u President ka Seng u Mishal Chyrmang ryngkat ka jingsynran lang u ma D.S War Chief Organizing Secretary FKJGP-Jaintia hill Zone, Marhok Marboh Vice President bad ki dkhot, ka seng mynta ka sngi kala iakynduh ia u Deputy Commissioner ka East Jaiñtia Hills, ha kaba iadei bad ka jingdawa bala slem jong ka seng, kata ban maramot noh ia u tei u Surok NH-6 bala jur ka jingtwa ha ki bynta ka Shnong Byndihati ha shwa ban poi ka Infiltration Gate ha shnong Umtyr-A East Jaiñtia Hill.
Ha kane ka kynti ka seng kala aipor shi taiew iaka NHAI lyngba u DC East Jaiñtia ban maramot ia utei u surok uba la twa shiteng ki bynta jong utei u Surok bH uba la kylla long One Way mynta la katto katne snem. Une u surok ym tang ba u dei u thied snam jong ka Meghalaya hynrei u dei ruh ha kajuh ka por u thied snam jong kiwei ki Jylla ka thaiñ shatei lam mihngi.
Ka jingai por (Dead-line) ka Seng mynta ka kynti namarba ia kane ka mat la dep buh jingthoh lyngba u DC naduh 28.07.2022 bad ka Seng kala pynkynmaw biang sa kawei ka shithi ha ka 14.04.2023 bad ka ba khatduh ka long mynta ka sngi ka 02.06.2023, hynrei kum ka Seng kam iohi dak ba ka NHAI kan shim khia ban maramot ia utei u surok bad dei halor kane ka nongrim ba ka Seng kan sa pyni da ki kam hadien ba kut ka jingai por ba shi taiew bad lada kan jia eiei ka NHAI ka dei ban bah khlieh ia kata, pynkut ka kyrwoh na u President ka Seng u Mishal Chyrmang.