Ka District Magistrate (DM) jong ka East Khasi Hills District ka kong R.M. Kurbah, IAS, mynta ka sngi kala pynmih ia ka hukum ba la pynjari da ka pakhang miet (Night curfew) ha baroh shilynter ki bynta khappud bad ka ri Bangladesh.
Ia kane ka jingpynjari curfew miet la hap ban leh na ka daw jong ka jingbymshngaiñ ka long ka man ne ka shongsuk shongsaiñ hapoh ri Bangladesh.
Katkum kane ka hukum la khang ia ka leit ka wan kaba jngai 1 km, na u zero line (International Border), naduh ka por 8:00 PM haduh 6:00 AM.
La khang ruh ia ka jingialum briew kaba palat ia ka 5 ngut, lane ban rah ia ki tiar pynmynsaw. La khang ruh ia ka jingkhaï beaiñ ha baroh shilynter ki bynta khappud ka District bad ka ri Bangladesh.
Kane ka hukum kan treikam noh naduh mynta ka sngi 25/11/2025, tad haduh ban da pynmih da kawei pat.
