Mynta ka sngi kila don ar ngut ki kyrtong ki ban iakhun ia ka elekshon MP sha ka Lok Sabha kiba la wan thep kyrteng na ka 1-Shillong (ST) Parliamentary Constituency ha khmat jong u Returning Officer u Sibhi Chakravarthy Sadhu, IAS, u ba dei ruh u Deputy Commissioner jong ka East Khasi Hills District.
Kine ki kyrtong ki kynthup ia i Dr. Mazel Ampareen Lyngdoh (58), khun jong i (L) Peter Garnett Marbaniang ba shong ba sah ha Nongrim Road, Laitumkhrah, Shillong. I Dr. Ampareen i dei i kyrtong jong ka National People’s Party (NPP).
U wei pat u kyrtong uba la wan thep kyrteng mynta ka sngi u dei u bah Peter Shallam (58), uba dei u nongsaitaiñ uba shong ba sah ha Kharmalki East. U bah Shallam un iakhun kum u kyrtong shimet ha kane ka elekshon MP sha ka ïing Dorbar thawaiñ jong ka Lok Sabha.