Kum ka jingleit jngoh ba ar sngi ia ka West Khasi Hills District u Lat ka Jylla Shri. Phagu Chauhan mynta ka sngi ula poi ha shnong Mawkyrwat ha kaba la pdiang sngewbha ia u ha ka jingiadon ryngkat u Deputy Commissioner ka District u bah T. Lyngwa, IAS bad u Superintendent of Police u bah Goldenbert D. Kharwanlang, MPS hapoh Circuit House, Mawkyrwat.
Hapoh kine ki ar sngi u Lat un sa pynlong ka jingiakynduh ia ki nongtrei jong ka Sorkar Pdeng, ki khlieh jong ki tnat sorkar papher bapher, ia ki bor pyniaid District bad kumjuh ia ki Rangbah Shnong jong ki shnong ba marjan.
U Lat un sa leit jngoh ruh ia ka Maharam Higher Secondary School, ia ka Civil Hospital, Mawkyrwat bad un leit jurib ruh ia ki katto katne ki jingpyntrei ia ka skhim MGNREGA hapoh ka shnong Mawpon bad Mawkyrwat.
