Mynta ka sngi na ka liang jong ka MPUF East Jaiñtia hapoh ka jingialam u President u ma Kyrshan Blah ryngkat u President jong ka EJNC Khliehriat Circle u ma Sanjoy Bareh ki laleit buh dorkhas ha ophis treikam jong u Chief Engineer ka MeECL kaba don ha Mowakhu ka ba hap hapoh East Jaintia Hills ha kaba iadei bad ka jing bymdon bording hapoh ka shnong Khliehriat East jong ka dong Pohshnong.
Na ka liang jong kitei ki ar seng ki la buh ka jingkyrpad ia ka MeECL ba kan sngew bha ban shimkhia lem ia katei ka jing eh jong ka shnong namar mynta la kumba Artaiew kynthih katei ka shnong ka la mad shibun kijingeh ha ba iadei bad ka jingbymioh bording. Kane ka la buh jingeh ia ki khynnah skul ha ka pule puthi jong ki. Na ka liang jong kine ki ar seng ki la dawa na ka tnat bording ba kan sngewbha ban maramot noh ia u tei u transformer uba la shuh ieh sniew sah. Ha ba iadei bad kane na ka liang ka MPUF East Jaintia bad ka EJNC Khliehriat Circle ki la ai por tang ar taiew ia ka tnat bording ban maramot noh ia utei u transformer ba la sniew.