U MLA ka Jowai Constituency u ma Wailadmiki Shylla mynta ka sngi 3 tarik u Jylliew ula leit ban jurip ïa ki ar tylli ki jaka na ka bynta ban tei ïa ki 2 tylli ki Sub Centre hapoh ka Constituency jong u.
La pyntip ba ïa kine ki ar tylli ki Sub-Centre yn tei ha ka shnong Sabahmuswang bad ha ka shnong Ialong kiba hap hapoh Jowai Constituency. Ha kane ka sngi la synran lang ïa u MLA da ki nongïalam shnong bad ki heh ophisar na ka tnad National Health Mission, West Jaiñtia Hills District.
Na ka liang u ma Wailadmiki Shylla haba ïakren bad ki nongpathai khubor, ula pynpaw ïa ka jingkmen ba kine ki ar tylli ki shnong kila ïoh rung haka kyrdan ban ïoh ïa ki Sub-Centre.
Shuh shuh u la pynsngew da ka jingdon kine ki Sub-Centre kan ai jingmyntoi shibun ïa ki paid nongshong shnong khamtam eh ïa ki longkmie bad ïa ki khynnah rit ba kin ïoh ïa ki lad jingsumar.