Ba duna Doctor Specialist ha thaiñ West Khasi Hills, leit kynduh ki nongialam ka HANM ia ka Myntri ka Koit ka khiah

Ka Hynñiewtrep Achik National Movement (HANM), West Khasi Hills ha ka 18 tarik Lber 2024 ki la leit iakynduh ia ka Myntri ka tnad ka Koit ka khiah ka Dr Mazel Ampareen Lyngdoh halor ka jingduna ki Doctor Specialist ha ka thaiñ West Khasi Hills.
Haba kren sha ki lad pathai khubor na ka liang u Bah Gabriel Sohlang u la ong hadien ba la dep iakynduh ia ka Dr Mazel Ampareen Lyngdoh na ka liang ka Dr Ampareen Lyngdoh ka la ong ka jingduna ki doctor Specialist ka dei namar ba kim treh ban wan trei ha Jylla hapoh ka Jylla namar wat ka sorkar ka la khot ban thep kam.
Ka Seng ka kyntu ia ki doctor Specialist ba kin sngewbha ban wan trei bad ban shakri ïa ki paidbah jong ka Jylla khnang ba kan ai jingmyntoi khamtam ïa kiba duk ba kyrduh. Ka Seng ka la dawa ban buh ïa u Orthopaedic Surgeon, Radiologist, Oncologist, Biochemist, Pathologist, Psychiatrist, Obstetrician & Gynaecologist bad Paediatrician.