Hynnin ka sngi ka 30/05/23 ka Khasi Student Union (KSU) Laskein Circle ka la leit buh jingujor sha u DM&HO West Jaiñtia u Dr. K. C. Ajar halor ka jingduna Doctor haka Community Health Center (CHC) Laskeiñ.
Ha kane ka jingiakynduh ki nongialam ka KSU kila pan ka jingpynshai na u DM&HO na kaei ka daw ba pyllong ban duna Doktor ha katei ka CHC bad na ka liang u DMHO u la iathuh ba ha ka jingshisha la don u wei u Doctor na Nongtalang ba la ioh Appointment ban trei ha katei ka Hospital hynrei ym lah ban tip na kaei ka daw u khlem wan join te na ka liang jong u, u la kular ban ia kren bad ki bor ba halor ban iakren haka ba iadei bad kane ka kam.
Ka KSU kala iathuh ruh ba katei ka CHC kam ju biang Doctor naduh mynshwa haduh mynta bad ia ki case barit ruh haka jaka ban leh hi ha katei ka Hospital hynrei la refer beit sha Civil Ialong na kane ka daw ka buh jingeh ia ki paitbah khamtam ki ba duk ba kyrduh te na ka liang ka seng ka la phah iaka kyrwoh sha ki bor bahalor lada kim lah ban leh ha kaba iadei bad kane ka kam ka seng kan sa iaid pat da ki wei ki lad ki lynti.
Kane ka long ka kyrwoh bala phah da u Samla Juhhi Tariang Publicity Secretary WJHDU.