Ka jingïohlad jong ki Local Taxi ban ïeng laiñ ha Ladkynrooh Saphlang bun sien ka la wanrah ïa ka jingsahkut kali ha ki bynta jong ka ïawmusiang. Bun na ki paidbah kila pynpaw ka jingkhñium halor kane ka jingleh jong kine ki Local Taxi kiba la pynlong kum ka Stand ha katei ka jaka.
La ïathuh shuh shuh ba ym tang ba ka wan rah ka jingsahkut kali hynrei ka la pynwit pynthud ruh ïa ka leit ka wan jong ki briew. Kumta na ka liang ki nongleit nongwan ki buh ka jingkyntu ïa ki bor ba dei peit ba kin leh ïa kaba donkam khnang ba kane ka jingsahkut kali kan kham duna hapoh ka sor Jowai.
