U Myntri ba khmih ia ka tnad Bording ka Jylla, A.T. Mondal hynne ka sngi u la mih shakhmat ban pynshai paidbah ha kaba iadei bad ka jingud bad ka jingjia ha ka jingshah ktah ha ka bording kynthup ia ka jingjia ba dang shen ha Ri Bhoi bad West Khasi Hills.
Ha kaba iadei bad kane ka mat, u Myntri u la iathuh ba kine ki jingjia kim dei kiba jia ha ka sien ba nyngkong. U la iathuh ruh ba ka tnad ka dang iaid shaid shaid mynta ban pynpoi ia ki transformer bad ia ki nar pynieng bording (pole) ha ka jaka ba shah ktah. U la pynskhem ruh ba ka kam ka dang iaid mynta na ka bynta ban pyntikna ba baroh ki tiar kiba la donkam ban kylliang kin bujli noh.
“Ia ki transformer bad ki dieng pynieng bording ki dang iaid mynta ha kylleng ka jylla bad kane kam dei ka kam ban hap leh tang shisien hynrei ban iai bteng man ka por” ong u Myntri.
Shuh shuh u la iathuh ba palat 1 lak tylli ki nar pynieng ba la sarang yn sa kylliang noh kumjuh ruh yn sa wanrah da ki kor kiba pyntikna ba kan ym don kano kano ka jingshah ktah.
“Kam shym mut ba la kylliang ia ki tiar thymmai mynta, kan ym don shuh ka jingthud ne ka jingktah hadien, kane kan jia beit na ka jingkhlaiñ kynsan ka bording, na u pyrthad lane na kiwei ki daw. Kum kine kin bteng beit bad lada ngi la pynbiang hawei kin lah ban jia sa ha kiwei jaka” iathuh u Mondal.