Ka Joint Action Committee (JAC) jong ki shnong kiba hap hapoh ka thaiñ Narpuh, East Jaiñtia Hills, hapoh ka jingïalam jong u President u bah Lasting Pala, uba dei ruh u Waheh Shong jong ka Umkiang bad u Chairman Bah Love You Bareh, uba dei u Waheh Shnong Pyrtakuna, ha ka jingïalang ba la pynlong mynta ka sngi ba ar ha shnong Umkiang, ka la shim ïa ka rai ban pynlong noh da ka jing pakhang ia u surok bah NH-6 haduh 24 kynta.
Ia kane ka jingpakhang surok ka JAC kala buh ban pynlong ha ka 7 tarik mynta u bnai ka ban sdang naduh ka por 6 baje mynstep.
Ki nongïalam bad ki dkhot ka JAC ki la pynpaw ka jingsngew bitar namar ka jingbym shim khia eiei ka sorkar ban phah maramot noh ïa kane ka surok kaba la jot rathai, watla na ka por sha ka por ki nongsynshar shnong bad ki paidbah jong ka Narpuh ki la dawa na ka sorkar ban sngap lem ïa ka sur u paidbah ban sngewthuh lem ïa ka jingeh ki nongleit nongwan hynrei ka sorkar kam patiaw eiei ruh, kumta da kawei ka jingmut ka JAC mynta ka sngi ka la rai ban shim da kane ka synjam kaba tyngeh bad ong ruh ba lada ka jingmaramot ïa ka surok ka dang sahteng ka JAC kan iai bteng biang ïa kane ka jingpakhang lynti ïa ka surok ha Narpuh.
