Ka Synjuk Ki Rangbah Shnong Ri Bhoi District mynta ka sngi ka 13 tarik Nailar 2025 ki la wan kynduh ia u Myntri ka tnad Bording u AT Mondal halor ka jinglip bording ha ki thain Ri Bhoi.
Haba kren bad ki lad pathai khubor u General Secretary ki Synjuk ki Rangbah Shnong Ri Bhoi District u PB Sylliang u la ong, ka jinglip bording ha ki thaiñ Ri bhoi kam dei shuh re kaba dang thymmai hynrei ka dei kaba la iaid da ki phew phew snem haduh mynta.
Nalor kata u la pyntip ka ri bhoi ka don ia ka Damsait kaba pynmih bording, hynrei ki long kum ki langkñia kiba shah pynduh bording.
Shuh shuh u la ong na ka liang ki nongshong shnong ki leit iakynduh ia ki ophisar ka tnad MeECL haba iadei bad ka jingthut ka bording, hynrei na ka liang ki ophisar ki pynpaw beit ba ka jingduna ki nongtrei, halor ka jingthut ka bording.
Na ka liang ka Synjuk ki Rangbah shnong Ri bhoi ki kyntu ia u Myntri ban shimkhia mardor haba iadei bad ka jingkynduh jingeh ki paidbah haba iadei bad ka jingduh bording bad ka synjuk ki Rangbah Shnong Ri bhoi ka kyntu ruh ia u Myntri ban thung bujli ia ki post light kiba thymmai bad kumjuh ruh ban ker ia ki jaka buh tranformer.
Na ka liang u Myntri ka tnad bording u AT Mondal u kular ban shimkhia ban pynbiang ia ka bording ia ka kaba ka Synjuk ki Rangbah Shnong Ri Bhoi ki la pynsngew haba iadei bad ka jingduh bording ba khah khah.
