U myntri sorkar ba khmih Ia ka tnad bording uba dei u MLA Jong ka Phulbari, U Abu Taher Mondal haba iakren bad ki lad pathai khubor hynnin ka sngi 5.7.24 u la ong ba bun ki jaka ha ki them jong ka Ri lum Garo ki lah shah ktah na ka jingshlei um na ka daw ba wan kyntur ka wah Brahmaputra.
Ka jingiar bad jingheh jong ka wah Brahmaputra kala wanrah ruh Ia ka jingshlei um kaba shyrkhei ha jylla Assam.
U AT Mondal u la ong ba kane ka jingshlei um ka la wan jia namar ka jingther jong u slap ha baroh kawei ka thaiñ North East, kaba la pynlong ia ka um ban tap shaduh ki bynta jong ka Garo Hills. U la pyntip ba ki jaka ba shah ktah bha ki dei ka Tikrikilla, Phulbari, Rajabala bad ka Selsela.
Na ka liang u myntri u la iathuh ba ka sorkar ka la bthah ia ki bor pyniaid District ba kin long kiba la pynkhreh bad ban phah jingiarap kaba kloi sha ki nongshong shnong kiba shah ktah na ka jingshlei um.