Mynta ka sngi ka seng KSU Thangraiñ Unit ka lah hiar biang ban jurip sa shisien ia ka jingpyntrei ia u surok NJB ba hap hapoh ka shnong. Ha kane ka kynti ruh ka seng ryngkat bad ki nongialam shnong ki dang lap ia ka jingleh bym suit ñiew u Contractor ia une u surok wat hadien ba kila dep ban ujor sha office PWD bad wat na ka liang u EE ruh dalade hi ula wan jurip ia kane ka jingpyntrei bad u la ai hukum ban pyntrei biang ia une u surok ha ka rukom badei.
Hynrei katkum ka jinglap jong ka seng la ong ba u ne u contractor u khlem sngap satia u pyntrei pynban da ka mon jong u hi da kaba siang da u mawria ha ka jaka u maw chip bad hadien ba ki dkhot shnong ki lah wan mih biang sha office ki sdang ban tep eit miaw ia u mawria da u maw chip tang ban ban pyni ka sakhi ba ki leh kumba lah phah order hi.
Halor kane ka jingleh buittuh une u Contractor kala pynbitar ka ia seng bad ki nongialam shnong bad kala pynlong ia ki ban leit rah syndon da utei u mawria ba ki pyntrei ban pyni sha u EE ia kane ka rukom trei thok utei u Contractor. Na ka liang u EE u la kular ban shim khia ia kane ka kam bad ban leh ia kaba donkam.
Na ka liang ka seng lem bad ki nongialam shnong ki lah ong ba kane kan dei ka sien ba khatduh ba kan wan jngoh ia kane ka jingpyntrei surok bad lada ki contractor kim khein snep ka seng bad ki nongialam shnong kin shim da kawei ka rai kaba tyngeh pyrshah ia kiba donkti ban pyntrei ia une u surok.
Kane ka long katkum ka kyrwoh la phah da u Publicity jong ka seng Samla Lamdaki Myrchiang.