U MLA ka North Shillong u Bah Adelbert Nongrum haba kren sha ki lad pathai khubor ha ka 11 tarik u la pynpaw ia ka jingsngewlyngoh halor ka jingpynlip light khah khah ha North Shillong bad kumjuh ha kiwei ki bynta jong ka Sor shillong kaba la ktah shikatdei eh ia ki paidbah.
Nalor kata u la ong ba kum ki nongshong shnong ki don ka hok ban kylli namar ki la pyndep hok ban siew ia ka khajna kaba ki dei ban siew. U la buh jingkylli kane ka jingpynlip light ka dei tang ha ka konstituensi ne baroh shi jylla. U la ong lada dei tang ka konstituensi North Shillong balei bad kaei ka daw ba ki pynlip, ki dei ban leh ia kaba donkam bad ban shim ia ka jingkit khlieh khnang ba ki paidbah nongshong shnong kin nym mad ia ka jingeh haba iadei bad ka jingpynlip bording.
U la kyntu ia ka tnad bording ban peit bad ban pynbiang mardor ia ka bording namar um kwah bad ki paidbah kin mad jingeh, u la ong ba ki dei ban shim ia ka jingkit khlieh la ki dei kiba ha shuki. U la kyntu ia u Myntri ka tnad Bording ban peit ia ka jingeh ba ki paidbah ki mad haba iadei bad ka Bording.
