Ka kynhun jong ka Awakening India Movement (AIM) Meghalaya Unit ha ka 26 tarik Lber 2025 ka la wan pyntip sha ki lad pathai khubor halor ka jingkynduh jingeh ki nongshong shnong bad u Addhaar bad ka jingsuki ban pyndep ia ka surok Smar City ha Nongbah Shillong.
Haba kren sha ki lad pathai khubor na ka liang u Bah Churchill Syiemlieh, General Secretary ka Awakening India Movement u la ong ka jingujor ki paidbah na kylleng sawdong jong ka Jylla khamtam ki shnong kiba don ha thaiñ nongkyndong haba iadei bad u Addhar. U la ong ki paidbah ki la duh noh ia ki jingdonkam ba ki ioh na ka sorkar ba la mang na ka bynta ki baduk basuk bad khamtam ia kito kiba pule. U la ong ruh wat ia u khaw rashon ba la mang na ka bynta ki baduk ba suk lada kim pyniasoh ia u Addhar kin duh noh ia u khaw rashon bad wat ia ki scholarship jong ki khynnah pule ka Jylla lada kim pyniasoh ia u Addhar kim yn ioh ia ka scholarship. U la bynrap une u Addhar u la ktah ia ka Jaitbynriew Hynniewtrep jong ngi.
Na ka liang ka Awakening India Movement Meghalaya Unit kan sa pynlong da ka jingialang ha ka 7 tarik u bnai ban wan ha Barik ha ka por 11 baje mynstep bad ka khot ka wer ia baroh ki paidbah ka Jylla ban wan sha shatei ka jingialang ban pynshai haba iadei bad ka jingbym kwah ki paidbah ban leh ia u Addhar ne kiba kwah ban leh ia u Addhar ka shong ha ka mon jong ki paidbah bad ka Awakening India Movement ka kwah ban pynshai kaei ka jingdonkam jong u Addhar.
Na ka liang u Chairman Bah Banshai Marbaniang u la ong ka kynhun Awakening India Movement kaba don ha kylleng ka Jylla jong ka Ri India kaba peit ia ka hok jong ki paidbah u la ong kam don kano kano ka Political Party kaba ieng ban iada ia ka hok jong u paidbah. U la ong kiba bun ki political party ki wan tang ban shu pynbiej ia ki paidbah ban ong ia u paidbah shim kane. U la bynrap na ka liang ka Awakening India Movement kam ong ia u paidbah wat leh addhaar bad ka Awakening India ka ka khlem ïeng ban pyrshah ia u Addhaar bad ka Awakening Movement ka ïeng na ka bynta u paidbah bad ki hok jong ka Riti synshar jong ka Ri India.
Shuh shuh u la ong ha kine ki sngi kiba mynta ha ki skul bad ki don ki khynnah ki ba dei ban ioh ia ka scholarship bad ki don ki khynnah kiba dei ban ioh pule ha ki jaka bapher bapher tang na ka daw ba kim don ia u Addhaar ki shah pynsangeh. U la ong haba phai pat sha ki shnong ki don ki longïing kiba dei ban ioh ia ka shini, u khaw rashon tang na ka daw bym don ia u Addhaar ki shah pynduh . U la ong ki don ki aganwadi kiba wan peit ban shakri ia ki paidbah nongshong shnong, ki aganwadi ki bym tip ia kaei kaei ki hap ban resign ia ka kam lada kim don ka addhaar.
Shuh shuh u la ong ka Sorkar ka dei ban wanrah ia ki awareness Campaign ha kylleng ki shnong kiba don ha Jylla bad khamtam ha nongkyndong ban pynshai sha ki paidbah haba iadei bad u Addhaar.
Ka Awakening India Movement ka kyntu ka khot ka wer ia baroh khamtam ki paidah ka Jylla ban wan sha ka jingialang ha ka 7 tarik April 2025 ha Barik Shillong ha ka por 11 baje mynstep ban pynshai haba iadei bad ka jingshah ktah jong ki paidbah na une u Addhaar.
Ha kawei ka bynta ka Awakening India Movement ka la kyntu ia ka sorkar ban sangeh shwa ia ki project kiba thymmai bad ban pyndep shwa ia ki project kiba la don lypa namar wat haduh mynta ka project Smart City la kumba 5 snem ruh kim pat lah ban pyndep bad ka Seng ka kyntu ia ka sorkar ban pyndep shwa ia ki project kiba la don lypa khnang ba kan long ka jingmyntoi ia ki paidbah kiba bun.