Ka Hynniewtrep Integrated Territorial Organisation (HITO) mynta ka sngi ka 23 tarik Naitung 2025 hadein ba la lap bad sakhi iaka jingpynkheiñ iaki kyndon bala buh daka Jaintia Hills Autonomous District Council iaka Taxation check point ban talasi ia ki trading licence ki kali bar Jylla hapoh u pud u sam ka JHADC kaba don ha Khliehtyrshi kaba la ai ban pyniaid daka kong Ridalin Law naka bynta 3 lai snem
Ka seng hadein bala pule bad bishar bniah iaki kyndon ka JHADC la lap ba kala kdew shai ba iaki kali kiba shu iaid lynba ka Jaintia Hills kiba wan na Guwahati ban leit sha Silchar, Agartala, Aizawl kim don kam ban pyn i iaki trading licence ne siew iaka khajna ha katei ka check point kaba don ha Khliehtyrshi West Jaintia Hills bad ha Sonapur East Jaintia Hills hynrei la buh ban talasi tang iaki kali kiwa wan ban kit iaki mar napoh Jaintia, hynrei haka 21 tarik Naitung 2025 la lap ba katei ka khyrdop kaba don ha Khliehtyrshi kala shim Pisa naki kali kiba wan na Changsari Assam ban leit sha Agartala Tripura bad Aizawl Mizoram dakaba pynkhein iaki kyndon bala buh bad shuh shuh la kdew haki kyndon ba ia katei ka kam dei ban leh daki officer bala bynshet daka JHADC hynrei ym don u wei ruh u officer ne ki staff jong ka Council kiba la buh hakitei ki check point.
Lah ban kdew ba ha katei ka kyndon bala buh daka JHADC la kdew ruh ba lada lap ba pynkheiñ iaki kyndon yn weng noh iaka soskular bala iasoi ha pdeng ka JHADC bad ki nongshim wai kiba pyniaid iakitei ki khyrdop.
Kum ban shu pynkynmaw ba ka jingkyrduh Pisa ka JHADC kam da dei eh ka jingkyrduh hynrei ka dei ka jingbymnang ban pyniaid iaki khyrdop lum khajna dalade bad ka jingai wai sha ki riew shimet ka dei tang ka buit sainti jong ki katto katne ngut ki MDC liang shynshar kiba kwah ban kamai ialade haka kyrteng ka JHADC katba ka Council pat kat nang iaid ki por kala nang ringsdot,
ka seng kala ong ba ngi don ki sakhi sabut kiba biang ban pynshisha iaka jingdon kti ki MDC liang shynshar hakane ka kam bamsap bad yn sa poi ka por ngin sa sei madan lut ia baroh ki jingjyrsieh hapoh ka JHADC la bynrap u bah Wanbun N Dkhar General Secretary
Ka Sengkmie.
