Hadien ba la ïoh ïa ka jubab lyngba ka RTI na ka office u DC ka EJHD ha ka jingiadei bad ka rukom thep kam thep jam hapoh kane ka District lyngba ka DSC ka jubab kaba u bah Reachingson Siangshai u la ïoh kam pat pynhun satia ïa u bad kaba la buh ruh ia u ia ki jingkylli kiba heh ha kaba u la ong ba ka jubab kam long kaba shai bad un sa pule bniah ia ki jubab ba u la ïoh bad un sa pynshai biang ia kane ka RTI kaba u la ïoh.
Mynnin ka sngi ka 2 tarik u naitung 2025 u bah Reachingson u la ong kaei kaba kham pynlyngoh ia u ha kane ka rukom thep kam thep jam bad kaba u la buh ruh ia ka dak jingkylli ioh leh se kan don kaei re kaei sha lyndet u ong ba ki don ar tylli ki post ha kaba ki nongthep kam ki hap ban mareh lane physical test hynrei ia kine ki ar tylli post la pynmareh ha ki ar tylli ki jaka ba iapher.
Kawei ka post la pynmareh na ka office u DC ka barim katta lyngba u surok bad sa kawei pat la pynmareh ha madan football Deinshynrum ha kaba ki paidbah ruh ki lah ban ïohi ïa kane ka physical exam. Hynrei ia kaba pynmareh na office ym don ba iohi ne tip paidbah bad kane ka lah ban don ei ei sha lyndet ha kaba kane ka rukom thep kam hapoh kane ka District kam long satia kaba shai, ong shuh shuh u ma Reachingson Siangshai.
