U Myntri ka sorkar Jylla, uba long ruh u Chairman Regional Committee ka West Khasi Hills, u Bah Paul Lyngdoh u la iathuh ba ka jingpynslem kane ka Committee ban aiti ia ka kaiphot sha ka Sorkar halor ka Langpih sector ka long namar ka jingpynslem ka Commitee na Assam.
Haba kren sha ki lad pathai khubor, u Bah Paul Lyngdoh u la ong ba na ka liang ka Regional Committee jong ka West Khasi Hill ka la pyrshang ban iakren bad ka Regional Committee ka Jylla Assam, da kaba bthah ruh ia u Deputy Commissioner ka West Khasi Hills ban iakren bad u Deputy Commissioner ka Kamrup hynrei haduh mynta ym pat ioh kano kano ka jubab kaba biang.
“Halor ka jingthmu ban don ka jingjurip lang na ki ar tylli ki Committee, kam pat don kano kano ka jubab ia ka jingpyrshang jong ngi ban lah pynkut noh ia kane ka kam” la ong u Bah Paul.
U Bah Paul u la kubur ba kane ka jingslem ka Regional Committee ka Jylla Assam ban jubab iaka jingtyrwa ban jurip iaki jaka iakajia kala pynslem ruh iaka Regional Committee West Khasi Hills ban aiti iaka kaiphod sha ka Sorkar Jylla.
U la iathuh ba ka Regional Committee West Khasi Hills kala dep ban ai ia ki kot ki sla sha Assam ban pynshisha ia ki jingkam jong ka Meghalaya ia palat 54 tylli ki Shnong kiba hap hapoh ka Langpih Sector.