Ka All Khasi Meghalaya Tourist Taxi Association (AKMTTA) ha ka 4 tarik Lber 2025 ka la leit iakynduh ia u SP Traffic u K. Prasad halor ka jingshah pyndait klam ha ki Pulit bad ka jingshah leh shiliang haba iadei bad ki kali Tourist kiba dei na ka jylla kiba ïeng ha Khyndailad.
Haba kren sha ki lad pathai khubor na ka liang u President jong ka All Khasi Meghalaya Tourist Taxi Association u Bah Ricaldinus Dohling u la ong, ki paradoh parasnam ki la wan ha Khyndai lad ban pynieng ia ki kali ban thep passenger, hynrei ha ki por 8:30 – 9:00 baje ki Pulit Pyniaid kali ki la wan ban beh bad ki ialeh ban klam beit ia ki, wat lada ki la ïeng sha ki jaka ba kham long kyndong kum ha ki lynti sha jan city Hut Dhaba, ki Pulit ki ialeh ban wan klam beit ia ki kali Meghalaya.
U la bynrap da kaba ong ki kali Tourist Assam ki ioh ban ieng beit katba mon, hynrei ia ki kali Tourist Meghalaya ki ialeh ban wan beh bad ban klam beit.
U la ong haba iadei bad ka jingieng Parking ki kali Tourist ha Police Bazar hajan Vivanta ka don kaei kaei sha lyndet, lehse ka don ka jingiasiew , ki don ki briew kiba Pyniaid ha kane ka Parking lot ban thep passenger ia ki kali, ka don ka jingiaioh pisa, ne ka jingmyntoi jongno re jongno, hapdeng u Pulit ba peit ha katei ka Parking ha ryngkat bad kito ki briew kiba Pyniaid ia ka parking ki ia don bynta lang, ai nuksa ki lah ban siew, ka kali Assam ka wan ban thep passenger na katei ka jaka ieng kali kala ban siew 100 tyngka ia u Pulit Meghalaya ka don ka jingpynbeit jong ki. Ki kali Khasi kim ioh ban thep passenger wat lada ki wan tang 2 tylli ki kali ruh bad ki shah beh kum ki ksew.
U Bah Dohling u la ong, na ka liang u SP u la ong ban thaw da ka Komiti haba iadei bad ka jingwad ia ka jaka pynieng kali na ka bynta kitei ki kali Tourist bad kumjuh ia ki kali shimet.
