Ki ar tylli ki ba kynthup ïa ka Hynñiewtrep Youth Council (HYC) Jaiñtia Hills District bad ka Jaiñtia Students’ (JSM) Western Region hapoh ka jingïalam u Organising Secretary samla Phaitki Suna ryngkat u Secretary ka JSM samla Chanskhem Suchiang, kila ïoh ban ai dorkhas ha u member Secretary District Selection Committee ( DSC) West Jaiñtia Hills District haba ïa dei ka jingpynslem ban pynmih ïa ka result jong u snem 2021-2022 kiba dei hapoh ka District Selection Committee (DSC).
Na ka liang jong u Member Secretary ula pynpaw halor ka jingpynslem ïa ka result na ka daw Roster System jong ka sorkar jylla, hynrei wat la kata ruh na ka liang jong ki 2 seng kila ai jingmut ïaka Committee ban pynkloi noh namar ki samla wad kam kila poi noh sha ka over age.
Na ka liang jong u Member Secretary ula ai ïa ka Assurance ïa kitei ki 2 seng ba ïa ka result jong u snem 2021-2022 yn pynmih ha shwa ka election MDC.