Uwei u Rangbah uba la tip kyrteng kum u Reachingson Siangshai uba ju trei mon sngewbha na ka bynta ka jingeh ki paidbah uba na ka Shnong Wapung Skur East Jaiñtia Hills District mynta ka sngi ka 16 tarik u bnai Jymmang 2025 u la leit ban buh da ka RTI ha office u Deputy Commisioner ka EJHD ha ka jingiadei bad ka District Selection Committee (DCS) jong ka East Jaintia Hills District.
Kane ka jingleit wad jingtip ne buh RTI une u Rangbah ka long ba hadien ki samla kiba thep kam thep jam hapoh ka district ki la ud bad ki la ujor ba kim shai bha ha ka rukom pyniaid ha ka jingiadei bad ka jingjied ia ki nong thep kam hapoh ka district.
Na ka liang une u Rangbah u la ong ruh ba ym pat lah ban ai ia ka jubab sha kita ki khynnah samla kiba ujor tad haduh ba yn da ioh da kita ki sakhi ki sabut ba la leit ban pan ne wad ïa ki jingtip lyngba ka RTI