U President jong ka National People Youth Front (NPYF) u Bah Wailadmiki Shylla ha ka jingdon ryngkat lang ki nongkitkam ka NPYF ha ka 7 tarik Lber 2025 u la ai khublei ia u Myntri Rangbah ka Jylla u Conrad Sangma haba iadei bad ka jingpynbna ia ka Chief Minister Scholarship Scheme.
Haba kren sha ki lad pathai khubor u la ong na ka liang ka National People Youth Front u la ong, ha kane ka Chief Minister Scholarship Scheme ha ka jingpynbna ha ka Budget, kumba 80,000 hajar ngut ki khun samla ki ban pyndep ia ka klas 10 kin ioh ia ka jingiarap kaba 6 hajar shisnem hadien ba ki la pyndep ia ka klas 10. U la ong kane ka scholarship kan sdang naduh ka Financial Year ban wan. Na ka liang ka NPYF ka ai khublei ia u Chief Minister u Conrad Sangma ia ka jingpyrkhat jngai ia ki khun samla ka Jylla, bad ym dei tang kane ka scheme lada peit ia ki scheme barim kiba la don lypa naduh ka CM Elevate, Yes Meghalaya, Prime, ka Meghalaya Grassroots Music, Hello Meghalaya bad kiwei kiwei, kine ki dei ki scheme kiba iarap shisha ia ki khun samla jong ka Jylla.
Shuh shuh u la ong ka Seng kan sa pyntip sha ki khun samla ynda la ioh lut ki jingtip lut ia baroh haba iadei bad kane ka CM Scholarship Scheme bad ka kloi ban iarap ia ki khynnah samla lada ki iakynduh jingeh haba iadei bad ka jingapply ia kane ka CM scholarship scheme.