Mynta ka sngi baroh 29 ngut ki MDC ba thymmai ka Jaiñtia Hills Autonomous District Council (JHADC), kynthup ïa ki 3 ngut ki kynthei kila bam smai ïalade na ka bynta ban ai ka jingshakri kaba khuid bad ba suba sha ki paidbah kiba la pynjop don burom ïa ki.
Na ka liang u Deputy Commissioner ka West Jaiñtia Hills u A.K. Singh (IAS) ula pynbam smai ïa kitei ki 29 ngut ki MDCs bad ai khublei halor ka jingjop jong ki ïa kane ka Election ba dang shudep shen bad u la pynbna lashai ka sngi yn pynlong ïa ka jingjied Chairman bad CEM.
Na kine ki MDC baroh kiba la bam smai ki kynthup na ka 1-War East u Medling M. Swer, na ka 2-War Central, u Jamshaphrang Pohtam, na ka 3-War West ma Het Pohthmi, naka 4-Amwi Khliehtyrshi ma Madonbai Rymbai, na ka 5-Mukhla Ummulong u Nehimaia Lamare, naka 6-Moodymmai-Nongkhroh u ma Jesse Suiam, na ka 7-Nartiang Wahiajer u ma Refromingson Lamare, na ka 8-Moodop Umladang u ma Thombor Shiwat, na ka 9-Mynsoo Nongjngi kong Laiawanlamjinghun Khynriam, na ka 10-Mynsngat Khanduli u Pheiñshwa Nangleiñ, na ka 11-Shilliangmyntang u Daemi Liam, na ka 12-Barato Mukroh u Aiborlang Shadap, na ka 13-Saphai Sahsniang u Rikut Parein, naka 14-Mookaiaw u Wormanship Shadap, na ka 15-Raliang u Bisonroy Iano, na ka 17-Nangbah Mihmyntdu u Gresentus Susngi, na ka 18-Jowai North u Awhai Andrew Shullai, na ka 19-Jowai South ma Moonlight Pariat, na ka 20-Muthlong Sohkymphor u Soki Lapasam, naka 21-Tuber Wapungshnong u Lasky Rymbai, naka 22 Musniang Rngad u Wailad Dameshwa Siangshai, naka 23-Rymbai Khliehriat ka Voilet Lyngdoh, na ka 24-Sutnga Narwan u Seiborlang Shadap, na ka 25-Sutnga Nongkhlieh u Hambertus Nongtdu, na ka 26-Sumer u Krison Langstang, na ka 27-Saipung Nongkhlieh u Lalwilliama Theite, na ka 28-Narpuh ka Dewipaya T. Tongper bad na ka 29-Bataw Lakadong u Sankey Shangpung.
Lashai ka sngi 28 tarik u Rymphang 2025 yn don ka jingjied ïa ka shuki Chairman jong ka District Council ha ka por 11 baje mynstep, katba ha ka por 2 baje nohphai sngi yn jied ïa u Chief Executive Member (CEM) ka JHADC.