Ka Jaintia Youth Federation (JYF) Central Body mynta ka sngi 12.09.2022, ka la ioh ban pynbam smai ia ki nongkit kam ba thymmai jong ka da u Bah D.L Rymbai President barim jong ka Central Body, na ka bynta ka samoi treikam jong u snem 2022-2025.
Hakane ka sngi la sakhi lang da ki nongkitkam barim jong ka JYF Central body, na duh u ma L.D Lakiang, President ba nyngkong duh jong ka seng kum u Kongsan Bah D.L Rymbai President barim ka JYF Central Body kum u Symbud Kongsan.
Ha shwa ban sdang ia ka jingialang pynbam smai la ioh shwa ia ka jingduwai na ka President ka JYF Women Wings kong Arlin Dkhar. Ia kane ka jingialang pynbam smai la pyniaid da u Bah P.J Bamon (ex CES JYF -CB), kum u shongknor.
Ha kane ka sngi u ma L.D Lakiang ula ai ki kyntien sneng kyntu ia ki nongkitkam ba thymmai ban long ki ba kitkhia bad shakri hok ia ka imlang ka sahlang khlem da khmih lynti ban ioh bainong bad ban trei shitom na ka bynta ka bha ka miat jong ka Ri bad ka jaid bynriew.
Na ka liang u Bah D.L Rymbai ha ba ai jingkren u kyntu ia ki dkhot jong ka JYF baroh ban long ki ba ia trei lang ryngkat ryngkat ym dei ban don ka Mynsiem ia bishni i wei ia iwei bad u da kyntu jur ruh ia ki nong kitkam bad ki dkhot ban long ki ba, don burom akor bad ruh ban long ki ba tip ban burom ia ki nong ia lam ki barim bad ia ki ba thymmai ruh kumjuh. U da kyntu ruh ban long ki ba trei dep ia ka kam ki ba ai jingmyntoi ia ka imlang ka sahlang.
Ha kane ka sngi la ioh ruh ia ka jingkren na u President ka JSM Western Region u Ribok Biam. U ma Dilone Lyngdoh Waheh Dong Salini colony, bah David Ngaite, Ex Disciplinary Secretary JYF -CB bad ki wei ki wei de.
Ha kane ka sngi na ka liang jong u President ba thymmai jong ka JYF Central Body u O.L Tariang u khot ia ka jingiatreilang jong ba roh ki nongkitkam ba thymmai bad ruh ia ki nongkitkam barim ban long ki ba ia trei lang ryngkat ha baroh ki liang.
Ki nong kit kam ba thymmai ka Jaintia Youth Federation (JYF) Central Body ki long kumne:
1.President :Mr O.L Tariang.
2.Vice President :Mr Jordan Rymbai.
3.Generalsecretary:Mr C.L Suchiang.
4.Joint secretary :Oswald B Nampui.
5.Finance secretary:Mr Pynshlurbha Dkhar.
6.Asst.Finance secretary :Mr J.Pala.
7.Organising secretary:Mr Rapmiki Pohti.
8.Asst.Organising secrtary:Mr Arjun Lakhi.
9.Education secretary:Mr Lasoki Rymbai.
10.Publicity and Information secretary:Mr Shwamiki Dkhar.
11.Sport and Cultural secretary:Mr Shemphang Shylla.
12.Mass and Media secretary:Mr Shiborlang Lakhi.
13.Asst .Education secretary :Mr Clifford Shylla.
14.President Women’s wing:Smt Arlin Dkhar.
15.Secretary Women’s wing:Smt Friday Sana.