Mynta ka sngi u Brig. (Dr.) B.D. Mishra uba long u Lat jong ka jylla Arunachal Pradesh ula bam smai ha nongbah Shillong ban bat ia ka kam kum u Lat ba shipor jong ka jylla Meghalaya.
Ia kane ka jingpynbam smai la pynlong ha Durbar Hall jong ka Raj Bhavan, Shillong.
U Brig. (Dr.) B.D. Mishra u wan shimti shipor ia ka kam kum u Lat ka jylla Meghalaya hadien ba ka por treikam jong u Lat barim ka jylla u Satya Pal Malik (76 snem ka rta) kala kut noh ha ka 3 tarik mynta u bnai, ha kaba ula shongthait noh na ka kam.
Ia u Brig. (Dr.) B.D. Mishra la pynbam smai mynta ka sngi da u Nongbishar badonburom jong ka Meghalaya High Court u Justice Hamarsan Singh Thangkhiew.