Ka ophis jong i Deputy Commissioner, East Khasi Hills District kala pyntip ba bun na ki skhim jong ka sorkar pdeng kum ka ICDS nutrition POSHAN 2.0, ka CM Care pension, PMAY(G) housing, Student scholarships, MHIS (Smart Card), MGNREGA (100-day employment scheme), NFSA (ration rice), NSAP (old-age pension), ka LPG connection (for household gas supply) bad ki wei de ki skhim sorkar ki donkam bad ka Aadhaar card, khnang ba ki paidbah kin ioh ia kitei ki jingmyntoi.
Kumta la kyntu ia kino kino ki riew paidbah ki bym pat don ia u Aadhaar Card ba kin sngewbha ban aplai na ka ophis jong i Deputy Commissioner, Shillong, lane na ophis Block Development Officer’s office, lane ha post offices da kaba wan rah lang ia ka EPIC (Voter ID) bad ka Birth Certificate jong ki.
Na ka bynta kito ki khynnah kiba dang hapoh ka 15 snem ka rta ki dei ban wanrah ia ka Schedule Tribe Certificate, ka Birth Certificate, lane ka Aadhaar card jong ki kmie ki kpa jong ki.
Na ka bynta kito kiba la don lypa ia u Aadhaar card la bthah ia ki ban pyniasoh noh ia u Aadhaar jong ki da kaba leit sha ophis jong ki BDO lane ha kino kino ki jak bala buh kyrpang na ka bynta kane ka kam. Na ka bynta ka jingtip ba kham bniah lah ban leit mih sha ophis Deputy Commissioner lane sha ki Block Office.