Mynta ka sngi (10-06-2024) ki nongialam bad dkhot jong ka KSU North Khasi Hills District Unit hapoh ka jingialam u Samla Ferdynald Kharkamni-President KSU NKHD Unit ki la leit ban ai jingkyrshan ia i Kong Bindas Syiem i ba shong shah thngan ban dawa na ka Sorkar jylla ban pynbha noh ia ka surok Nongpoh, Umden- Sonapur kaba la jot rathai khlem maramot la bun ki por.
Ha kane ka sngi la synran lang ruh da ki Nongialam ka KSU Umden Circle ha ka jingialam u Samla Toning Lapang-President KSU Umden Circle.
Ka Seng KSU NKHD Unit ka ai jingkyrshan kaba pura bad ka dawa ruh ia ka Sorkar ba kam dei ban shu dang kuman ia kane ka jingdawa namar ka ktah mationg ia ka bha ka miat ki paidbah ka dong ka thaiñ jong ka Ri Bhoi hi baroh kawei.
