Ban kynmaw Burom ia u bah (L) Cherishsterfield Thangkhiew uba long uwei na ki nongseng ia ka seng Hynniewtrep National Youth Front (HNYF), kumta ka seng HNYF ryngkat ka jingiatreilang bad ka Meghalaya Arm Wrestling Association (MAWA) kan pynlong ia ka jingialehkai iakhun kti ba la ai kyrteng ka Cherishsterfield Thangkiew Memorial Arm Fight.
Ki kyrdan kiba la buh ha kane ka jingialehkai ki long na ka bynta ki shynrang kan sdang na kiba 50 kilo shapoh, kiba 51kilo haduh 55kilo, kiba 56kilo haduh 60kilo, kiba 60kilo haduh 65kilo, kiba 66kilo haduh 70kilo bad kiba 71kilo haduh 75kilo.
Na ka bynta ki kynthei ka kyrdan kan sdang na kiba 45kilo shapoh, kiba 46kilo haduh 50kilo, kiba 51kilo haduh 55kilo, kiba 56kilo haduh 60kilo, kiba 61kilo haduh 65kilo, kiba 66kilo haduh 70kilo, kiba 71kilo haduh 75kilo, kiba 76kilo haduh 80kilo bad kiba 80kilo shaneng.
Kane ka jingialehkai ka plie ia baroh ki nongialehkai na ki District, bad ki gym.
Ka sngi ban thew ia ka jingkhia kan dei ha ka 12 tarik Nailar, 2025, naduh ka por 10baje haduh 1baje mynsngi bad ka jaka kan long ha Madan Malki.
Ka sngi ban pynlong ia katei ka jingialehkai kan long ha ka 13 tarik Nailar 2025 ka ban sdang naduh ka por 9 shiteng ha iingdorbar shnong Mawlai Mawroh.
Ka Bai rung (register) na ka bynta kane ka jingialehkai ka long 100 tyngka.
