Ka Sorkar Meghalaya ryngkat ka jingiatreilang ka Meghalaya Sports & Youth Affairs bad Meghalaya Tourism kan pynlong biang ia ka ‘Megha Kayak Fest’ kaba 7 ha ka jylla ha kaba yn neh 2 sngi lynter, kata naduh 10 haduh 12 Tarik mynta u bnai ha ka shnong kaba la tip ruh kum ka ‘White Water Village’ Umtham (Umling) Ri-bhoi District, kaba jngai tang kumba 5 km away na sor Nongpoh.
Ka jingthmu ban pynlong ia kane ka jingiakob Kienglieng ka long ban kyntiew ia ki jaka jngohkai pyrthei ka jylla lane ban pyni ia ka jingriewspah ka Ri Khasi. Lah ban ong ruh ba kane ka jait jingialehkai ka dang kham long thymmai ha kine ki jaka Rilum, kumta ban kyntiew ia kane ka jait jingialehkai bad ban ai mynsiem ia ki nongialehkai la wanrah biang ia kane ka jingiakob ha ka sien kaba 7.
Ka song Pisa ia kaba yn pynlut na ka bynta ki nongialehkai kan kot haduh 15,10,740 (18,000 Dollar) bad ia u/ka lahduh (overall champion) yn khur haduh 1,42,681 (1,700 Dollar).
Kumba ju long man u snem, ha kane ka jingiakob yn sa wan ban iashim bynta da ki snar ialehkai ba tbit na kylleng ka pyrthei. Kane kan dei ruh ka sienjam ban long kum ka jingkhang na ka bynta ka Arunachal Pradesh ban pynlong ia kum kine ki jait jingialehkai namar ha katei ka jylla ki don bun ki wah kiba itynnad bad ki ban iahap ban pynlong ia kine ki jingiakob.
