U Myntri sorkar jylla ba peit ia ka tnad Kam jngohkai u la pyntip ba ka kynhun myntri ka la mynjur ia ka Meghalaya Film Toursim Policy 2025.
Haba kren sha bad ki nongthoh khubor u bah Paul Lyngdoh u la pyntip ka jingshim rai ka sorkar ban pyntreikam ia kane ka Policy thymmai ka long ban kyntiew ia ki nongshna film ha ka jylla bad kumjuh ban kyntiew ia ka kam jngohkai ha ka jylla.
U la pyntip ruh lyngba kane ka Policy ba thymmai ki nongshna film kiba shna ha ki ktien khasi, Pnar bad Garo kin ioh jingiarap kumba 50 lak bad ia kane ka pisa ka sorkar kan ai shisien ha ki ar snem.
U la bynrap ia ki nongshna phlim nabar ri, yn ai jingiarap pisa haduh T.1 klur lada ki shna ha ka ktien ka jylla Meghalaya ne ki ktien nongwei na bynta ban kyntiew ia ka kam jngohkai ha ka jylla.
