Ka seng KSU kaba sngewkhia halor ka jinghiar ka pule puthi, khamtam haba lap ba kawei na ki daw ka long ka jingeh ha ka ioh ka kot ki kmie ki kpa kaba poi sha u pud ba ki khun ki hap ban sangeh pule noh shiteng por, kumta ka la shim da ka sienjam ban leh eiei khyndiat khynsoit halor kane ka bynta.
Ka KSU Mawlai Umrynjah Unit mynta ha ka 16 tarik u Rymphang 2024 ka la pynlong kawei ka prokram ban ai jingiarap ia ki khynnah pule kiba wan na ki longiing ba duna ka ioh ka kot kiba sah ha kane ka shnong. Ha ryngkat ka jingsakhi ki nongialam ka KSU Mawlai Circle, ka KSU Umrynjah Unit ka la sam da ki kopi, let, khulom, instrument boxes bad robal sha ki 60 ngut ki khynnah pule jong kane ka shnong.
Ki nongialam ka seng ki la bynniaw halor ka jingbym lah ka sorkar ban pynbiang ki tiar skul shimet ia khynnah skul bad kim banse ban noh kum kane ka jingshakri wat la i long i barit. Ka KSU ka ngeit skhem ruh ba kine ki khynnah pule kiba ioh ia kine ki jingiarap kin ym ieh noh ia la ki jingpule hynrei ka kyrmen ba kin minot thop khnang ba lashai kin long ki khlur ba tyngshaiñ jong ka Jaidbynriew.
Lyngba kane ka sienjam kaba rit, ka KSU ka kyrmen ruh ba ha kawei ka sngi yn lah ban rat dyngkhong ia ka jingiehnoh shiteng por (drop out) ia ka jingpule ha ka Jaidbynriew.
Kane ka kyrwoh la pyllait da u samla Gary Mawlieh, Pubicity Secretary, KSU Mawlai Circle.