Ban lait na ki jingma donkam Traffic Police hajan ka Jowai Civil Hospital: W. Nongtdu

U bah Wailad Nongtdu uwei na ki samla rangbah na Ri Lum Jaintia, ha ka jingkren sha ki lad pathai khubor ha kane ka sngi nynkong u la iathuh ba don ka jingma ia ki nongleit nongwan ha ki bynta jong ka Jowai Civil Hospital kaba don ha Ialong namar kane jaka ai jingsumar ka don harud u surok bah (National Highway-6), khamtam eh haba ki bapang bashitom kiba ki hap ban jam shiliang u surok bah ban poi sha Hospital.
Kumta na ka liang jong u bah Nongtdu, u la kyntu jur ia ka sorkar khamtam ia ka tnat Pulit kaba peit ia ka jingpyniaid kali ki dei ban buh ia uwei ne ar ngut ki Pulit Traffice ne Home guard ban pyniaid kali ha katei ka jaka ba don ka tei ka Hospital sorkar, khnang ba ka kan ai ka jingiada ia kiba leit sha katei ka Hospital ban lait na ki jingjia ba sngewsih.