Ka Meghalaya Judo Association ka la wan shakhmat ban pynbna paidbah halor ka jingthmu ban pynlong ia ka Asmita Judo Women League East Zone Tournament ka ban sdang na duh ka 17 tarik u Nailar 2024 bad kan ban kut pat ha ka 19 tarik u Nailar 2024 ban long ha SAI Training center NEHU.
Ia ka Asmita Judo League 2024 yn wan ban plie da u Myntri ka tnad ia lehkai ka Sorkar Jylla u bah Shakliar Warjri ha ryngkat ka kong Isawanda Laloo ka ba dei ka Commissioner and Secretary jong ka tnad ialehkai bad kiwei kiwei pat ki officer jong ka tnad sport & youth affairs.
Ha ka jingiakren bad ki nongthoh khubor na ka liang u bah MF Mawlih u ba dei u dkhot jong ka Meghalaya Judo Association u la pyntip ba ha kane ka lympung yn wan ban iashim bynta da kumba 400- 500 tam ki nongialeh kai Judo na kylleng ka thaiñ shatei lam mihngi ka Ri india bad ki ba kynthup na Bihar bad West Bengal ki ban ia leh kai ha ki saw tylli ki kyrdan kata ha ka Senior, Junior Cadet bad Sub Junior. Ki don ruh kumba 45 ngut ki nongialehkai ki ban mih khmat ia ka Jylla ha kane ka lympung.
U bah Mawlih u la ong ruh ba ki Samla ki ba ioh khur takma Ksiar bad Rupa kin ioh lad ban mihkhmat ia ka East Zone sha ka wat ba khatduh na ka bynta ban ia khun pat bad kiwei ki nongjop na kiwei pat ki zone.
U la pyntip ruh ba ka SAI STC kan sa jied ia ki thei ialehkai ba kynsai ban mihkhmat ia ka jylla ha ki lympung ba heh ha Ri India.
