U Bah Metbah Lyngdoh Myntri ba khmih ia ka Tnad Bording ka Jylla hynne ka sngi ka 6 Risaw 2025 u la plie ia ka Bureau of Energy Efficiency (BEE) – Indo -German Energy Program Partnership Summit ha ka Nongbah Shillong ha ka jingiadon ryngkat da 11 tylli ki Agency, ki nongmih khmat na ka BEE bad kiwei kiwei.
Kawei na ki thong jong kane ka program ka long ban Bishar bniah halor ka jingiakhun ban tyngkai ia ka Bording ha ka thaiñ Shatei Lam Mihngi (North East).
Haba ai jingkren ha kane ka sngi, u Myntri u la ban ia ka jingdonkam ban tyngkai ia ka Bording da kaba kdew ruh ia ka jingdonkam ban pynbha ia ki kor bad halor ka jingktah ia ka Mariang lyngba ka jingpyndonkam ia ki kor bapher bapher.
U Bah Metbah u la iaroh ruh ia ka jingkyrshan bad ka jingbtah ba la ai da ka BEE da kaba kyntu ruh ia ki paidbah ba kin pyndonkam ruh ia ka bor jingshai lyngba ka Sngi lane ka Solar Energy.
Shuh shuh u la bthah ba dei ban shimkhiah bad pyndonkam khnang tang lada donkam khlem da pynmeh kai ha ka por mynsngi.
