Ka Department of Social Welfare, Government of Meghalaya hapoh ka Drug Reduction Elimination & Action Mission (DREAM) jong ka, ryngkat bad ka jingiatreilang bad ka Indian Drug Users’ Forum and Meghalaya Users’ Forum ha ka 26/6/24 ka la pynlong ia ka “Multi-stakeholder Symposium in observance of International day Against Drug Abuse and Illicit Trafficking 2024” ha Vivanta Shillong.
Haba ai jingkren ha kane ka prokram u Minister jong ka Social Welfare, u bah Paul Lyngdoh u la ong ba ka jingwanpoi jong ki nongiashim bynta ha kane ka jingialang ka pyni ba kiba bun kila poi sha ka bynta jong ka jingsngewthuh halor ka jingktah jong u Drug ha ka imlang ka sahlang. U la ong ba ka jylla mynta ka dang iaid sha khmat ban pyrshang pynduh ia kane ka kam khaïi bad dih drug, u la ong ruh ba ka dei ka por ka imlang sahlang ban jied la kin long ki nongjop ne ki nongshah rem ha kane ka jingiakhun pyrshah ia u drug.
U bah Paul ula ong ruh ba dei ban kiar na ka jingiakynthoh iwei ia iwei, hynrei ngi dei ban long laitluid ban pyni ia ka jingduna bad ka jingbymlah jong ka sorkar, bad ka long kaba donkam haduh katta katta ba uwei pa kawei na ngi ngin shim ia kane kum ka madan thma la jong. U la kyntu ruh ia ki sengbhalang bap her bapher, ki nongialam niam ba ka lawei jong ka jylla bad ka lawei jong ki samla ka shong ha ki.
