Na ka por sha ka por, ka Jylla jong ngi ka mad ia ka jingshah lynshop ha ki bor jong ka mariang, khamtam ha kine ki 2 snem ha kaba katto katne ki longïing ki la duh noh ia ki dkhot jong ka ïing na ka daw ba jur u slap bad shah ktah ha ka jingtwa khyndew, ka jingpluh ïing, ka jingshah lied ki ïing ha ki eriong bad kiwei kiwei. Kumta ka Sorkar Jylla hapoh ka jingialam jong u Myntri Rangbah Conrad K. Sangma ka la mang ia ka pisa sha baroh ki lanot kiba don hapoh ki distrik bapher bapher jong ka Jylla na ka bynta ioh ia ka jingiarap kaba kloi tam.
U Myntri u la iathuh ba ia kitei ki song pisa ba la dep ban mang kyrpang, la dep ban phah sha ki bor district, kata lyngba ki Deputy Commissioner kiba don ha ki distrik bapher bapher.
U Bah Shylla u la iathuh ba katkum ka bhah ba la dep ban pynbeit ki long – sha ka Distrik West Khasi Hills 1 klur 22 lak, South West Khasi Hills 60 lak, Ri Bhoi 1klur 21 lak, West Jaintia Hills Jowai 75 lak, East Jaintia Hills Khliehriat 4 lak 82 hajar, Eastern West Khasi Hills 4 klur 47 lak, East Garo Hills, Williamnagar 1 klur 11 lak, West Garo Hills Tura 1 klur 85 lak, North Garo Hills Resubelpara 91 lak, South Garo Hills Baghmara, 1klur 18 lak, South West Garo Hills 1 klur 56 lak.