Shi bynta ban iakhun na ka jingshongkha khynnah bad ki kam thala, ka KSU Kupli Area Circle kala ioh lad ban pynlong daka Awareness program halor ka phang “Child Related Issues” ha Iaw Pyngkat ha shnong Iooksi.
Ha kane ka sngi la iadon lang daki sahep naki department bapher bapher naduh ka tnat District Child Protection Unit, ka Tnat ka Koit ka Khiah, ka Tnat Fire Service, kumjuh ruh la iadonlang daki waheh Shnong naki shnong bapher bapher badon ha kane ka thaiñ, ki Village Organization, ki Asha, bad ruh la iadon lang naki trai jong ki Resort badon shakane ka thaiñ.
Na ka liang i Bah Rikin Lamin ba mih khmat naka tnat Child Protection Unit ‘ i la ong ba ka Office ka lah ban ai ka jingiarap bad ka jingiada ba pura naka bynta ki khynnah kiba shah lehbeiñ bad kiba shem lanot khamtam iaki khynnah basah khunswet lane phi lah ban phun ruh ha u toll free number 1098 phin sa ioh ka jingiarap naka office jong ki.
Lah ioh ruh ka jingkren na i Valentine Gino Synnah ba dei ruh i Waheh Shnong ka Shnong Saphai ‘ i la ong ruh kane ka phang kaba ka KSU ka buh kadei kaba kongsan tam, namar bunsien mangi ki kmie ki kpa haka juk ba mynta ngi lah kum klet ban sneng iaki khun ki kti ki jong ngi kiba lah sdang ban khie samla namar wat ma ngi ki kmie ki kpa ruh ngi lah miet sngi tang haka peit mobile lane social media, ka jingsniew ka sdang ban rap iaki khun ki kti jong ngi kiba sdang khie samla.
Katba na ka liang jong ka Health department la ioh jingkren da i kong B.Kharjoh badei ruh i Head Educator ka tnat PHC Iooksi i la kyntu iaki longkmie, khamtam haka por ba armet ba kim dei ban pep ban wan sha PHC ban ioh iaki injection ba bun jait ban iada iaki khunlung naka jingpang ba bunjait.i la kyntu ruh iaki khynnah kiba iohlok bym pat dei por wat lada kila armet haka haka rta kaba dang rit ruh kimdei ban lehraiñ ban wan sha ki health center ban ioh iaki jingiada bad ban ioh ruh iaki counselling ne jingsneng jingkhraw naki Doctor bad ki nurse.
Na liang ka Fire Department la ioh jingkren na i sir Risalan Rymbai ba dei ruh i incharge ka Fire service jong ka Saphai Fire Service Department. I la ong ba ka ding ka don ar jait kaba ki khot ka Wanted bad unwanted fire, namar bunsien kum ki khynnah haba leitkai sha lum sha wah ki juh ai ding kulmar iaki khlaw ki btap bad teng teng ruh sa jia ka jingjia basngewsih ia ki ïing kisem, lane ka pynjulor ruh iaki mrad mreng bad ki jingthung jingtep.
La ioh jingkren ruh na i samla Leningrad Tariang ba bat ruh kum i General Secretary ka KSU West Jaintia Hills District haka jingkren jong i la ong “Wat khyrkieh ban kieng pla na khmat kieng shwa nadien, namar” ka jingpep skul ki khynnah haka rta ba dang rit ka pyllong iaki ban shongkha kloi bad ymdei maki ba mad iaka jingeh dei ki kmie ki kpa jong ki ba mad nyngkong ka jingeh, namar maki ban kit iaka lyngkor bad i la kren ruh shaphang ka jingdon ki resort ha poh ka thaiñ ym bangi pyrshah iaka jingdon ki jaka jngohkai pyrthei bad ki jaka sahkai pyngkat shaki thain, hynrei ki trai jong ki resort kidei ban phikir bha, namar bun ki khun samla ki ba dang haki teen age kila sdang shah pynbiej bad sa leh daki kam awria bad sa wanrah bun ki jinpang naduh ka jingpang Aids bad HIV.
La ioh jingkren ruh na i samla Ladaplin Hayong i President ka KSU Women’s Wing WJHD, ‘ Ka Awareness program ba nyngkong ka sdang nala ïing, ki kmie ki kpa ki dei ban lumlang iaki khun ha kawei ka kamra bad sadang ban ai ka jingsneng jingkhraw, namar ka matti jongka ïing kasem jong ngi ki khun Khasi Khara ka shong hangi ki khynthei lada ngim lah ban sneng ban kraw iaki khun ki kti jong ngi haka rta badang lung bunsien kinsa iaid sakma.
Ka phang ba kongsan badei ban pynshai khambha kadei na u District Child Protection Officer, S.Passah’ ha kaba i la ai shibun ki jingsneng iaki khun samla kiba dang don haka rta ba hapoh 20 snem, i la ong bun sien haba ka kmie ka iap u kpa u lah iehnoh ia ki khun, haka jaka ban ri ban sumar ne ban ai ka jingiada pynban u phet, nakata ka daw bunsien kiba ngat haka jingshah leh beiijot kidei ki khunswet, namar ki duna ki nongsumar, kynmaw ka aiñ kadei kaba eh tam iaki baleh ia kane ka kam sniew, kum ka POCSO act bad kiwei kiwei de ki aiñ.
