Ka Executive Committee jong ka KHADC hapoh ka jingialam jong u CEM hynne ka sngi ka 8 tarik Nailur 2025 ka la khot ia ka jingialang bad ki bor Pulit jong ka Cantonment Beat House, ka Hima Mylliem bad ka tnad Enforcement na ka bynta ka jingshongshngaiñ jong ka Iewduh.
Haba kren sha ki lad pathai khubor na ka liang u EM Bah Powel Sohklet u la pyntip ha kine ki khyndiat sngi na ka liang ka sorkar ka la theh ki kam pynroi na ka bynta ban pynbha ia ka iewduh. U la bynrap leh aiu ban don ki ïing paki dulan lada ym don jingshongshngaiñ, ki nongtuh ki rung katba mon, ki nonglehkam sniew ki rung katba mon. U la ong na ka liang ka Council ka sngewkhia hadien ba ki ba bun ki paidbah ki pynpaw ia ka jingbymshongshngaiñ jong ka ïewduh.
Ka jingbymshongshngaiñ ka iewduh ka dei ruh ka jingjyllei jong ki nongdih drok kiba shong ha ki lynti ki synkieng.
Na ka liang ka KHADC, ki bor Pulit bad ka Hima Mylliem ki la shim ia ka rai ban leh noh da ka kynja Operation ne ka jingiaid Pahara ha ki bynta ka ïewduh na ka bynta ka jingshongshngaiñ.
Khatduh u la pyntip ba ha kane ka Operation kiba don kin kynthup ia ki ophisar ka KHADC, ki bor pulit jong ka Cantonment bad ka Hima Mylliem.
